Legjislacioni

Çështjet e mbrojtjes së konsumatorëve përfshijnë politikat dhe instrumentet ligjore për mbrojtjen e sigurisë së konsumatorëve, interesave ekonomike, si dhe të drejtave të tjera të konsumatorëve.

Politikat për mbrojtjen e konsumatorëve përmblidhen në dokumentet strategjik. Për herë të parë objektivat kryesorë të politikës së mbrojtjes të konsumatorit në Shqipëri janë përcaktuar në Strategjinë e parë ndërsektoriale “Për Mbrojtjen e konsumatorëve dhe mbikëqyrjen e tregut për periudhën 2007-2013”, të miratuar me Vendim të Këshillit të Ministrave nr. 797, datë 14.11.2007.

Dokumenti i dytë strategjik është Strategjia Ndersektoriale “Për mbrojtjen e konsumatorëve dhe mbikëqyrjen e tregut 2020”. Ky dokument u miratua në Këshillin e Ministrave ne shtator 2015 Strategjia e Mbrojtjes se Konsumatoreve dhe Mbikëqyrjes se Tregut

Legjislacioni në fushën e mbrojtjes së konsumatorëve mbulon aspektet në lidhje me: sigurinë e përgjithshme të produkteve për konsumatorët, praktikat e padrejta tregtare, shitjes së mallrave të konsumatorëve të shoqëruara me garancitë, përputhshmërinë kontraktuale të mallrave dhe shërbimeve; kushtet e padrejta në kontrata, treguesin e çmimit, kreditë konsumatore, publicitetin, paketat e udhëtimit, shitjet në largësi, etj.

Kuadri ligjor, që garanton mbrojtjen e të drejtave të konsumatorëve, ka siguruar një përafrim të plotë me direktivat përkatëse evropiane dhe në mënyrë të qartë përcakton kuadrin institucional për zbatimin e këtij legjislacioni.

Legjislacioni për mbrojtjen e konsumatorëve përbëhet nga:

1. Aktet ligjore

1. “Ligji nr. 9902, datë 17.04.2008 “Për mbrojtjen e konsumatorëve”, i ndryshuar (varianti i konsoliduar),
2. Ligji nr. 10480 , datë 17.11.2011“Për sigurinë e përgjithshme të produkteve jo-ushqimore”, i ndryshuar,
3. LIGJ nr. 71-2018, date 18.10.2018
4. Dispozitat e ligjit nr. 7850 të Kodit Civil 29.07.1994, të ndryshuar, që rregullojnë aspekte të ndryshme në fushën e mbrojtjes së konsumatorëve

2. Aktet nënligjore

• VKM nr. 1089, date 24.12.2020 “Për krijimin dhe mënyrën e organizimit e të funksionimit të Drejtorisë së Përgjithshme për Zgjidhjen Alternative të Mosmarrëveshjeve (DPZAM) për mosmarrëveshjet e përgjithshme konsumatore dhe përcaktimin e kritereve shtesë që duhet të përmbushin strukturat për zgjidhjen alternative të mosmarrëveshjeve“. 

• Vendim i KM nr. 1444, date 22/10/2008 “Për mënyrën e funksionimit e te pagesës se anëtareve te komisionit te mbrojtjes se konsumatorëve, si dhe përcaktimin e procedurave te vlerësimit te shkeljeve”;

• Vendim i KM nr. 65, date 21/01/2009 “Për kontratat e paketave te udhëtimit”. VKM transpozon plotësisht Direktivën 90/314/EEC;
• Vendim i KM nr. 615, date 7.09.2011 “Për tregtimin në largësi te shërbimeve financiare për konsumatorët”. VKM transpozon Direktivën 2002/65/EC.
• Vendim i Këshillit të Ministrave nr. 652, datë 8.10.2014 “Për përcaktimin e rregullave për kontratat e përdorimit me afat, të produktit të pushimit afatgjatë, rishitjes apo shkëmbimit. VKM transpozon Direktiven 2008/122/EC .
• Urdhër i Kryeministrit nr. 124, date 20.3.2014 “Për Miratimin e Përbërjes së Këshillit Bashkërendues për Mbrojtjen e Konsumatorëve”;
• Urdhër i Kryeministrit nr. 169, date 27.5.2014 “Për emërimin e kryetarit dhe te anëtarëve te Komisionit te Mbrojtjes se Konsumatorëve”;.
• Rregullore Nr. 6772 date 21.07.2010 “Për funksionimin e Këshillit Bashkërendues te Mbrojtjes se Konsumatorëve”;
• Udhëzim ministri Nr. 721 date 27.10.2010 “Për kriteret e organizimit dhe drejtimit te Qendrave te Këshillimit te Konsumatorëve”.
• Udhëzim nr. 11, date 2.09.2013 “Për përcaktimin e procedurave te trajtimit te ankesave te konsumatorëve”.

Në fushën e sigurisë së përgjithshme të produkteve:

• VKM nr. 263, datë 3.4.2013 “Për përcaktimin e çakmakëve rezistentë ndaj fëmijëve dhe çakmakëve me modele imituese, tërheqës ndaj fëmijëve”, transpozon plotësisht Vendimin e Komisionit Evropian 2006/502/EC të datës 11 Maj 2006.
• VKM nr. 440, datë 22.5.2013 “Për produktet që përmbajnë dimetilfumarat”, transpozon plotësisht Vendimin e KE nr. 2009/251/EC.
• VKM Nr. 441, datë 22.5.2013 “Për Imitimet e rrezikshme”, transpozon plotësisht Direktivën 87/357/EEC.